சவூதி அரேபியாவுக்கான பயணத்தை மேற்கொண்டிருந்த சிறிலங்கா கடற்படைத் தளபதி வைஸ் அட்மிரல் ரவீந்திர விஜேகுணவர்த்தன, அங்கிருந்து இந்தியாவுக்குச் சென்றிருந்தார்.
அவருடன் சிறிலங்கா கடற்படை அதிகாரிகள் குழுவொன்றும் இந்தியா சென்றிருந்தது.
இவர்கள் கோவாவில், கட்டும் பணிகள் முடிவடைந்துள்ள நிலையில், சோதனையோட்டங்களில் ஈடுபட்டுள்ள பி-623 என்ற தொடரிலக்கமிடப்பட்டுள்ள, எஸ்எல்என்எஸ் சயுரால என்ற ஆழ்கடல் ரோந்துக் கப்பலைப் பார்வையிட்டு, அதன் திறனைப் பரிசோதனைக்குட்படுத்தியுள்ளனர்.
சிறிலங்காவிடம் அதிகாரபூர்வமாக கையளிப்பதற்கு முன்னதாக இந்தப் பரிசோதனைகள் மேற்கொள்ளப்பட்டுள்ளன.