நிலவேம்பு குடிநீர் இன்று முதல் வரும் 29-ம் தேதி வரை வழங்கப்படுகிறது. இது, அரசு மருத்துவக் கல்லூரி மருத்துவமனைகள், மாவட்ட தலைமை மருத்துவமனைகள், ஆரம்ப சுகாதார நிலையங்கள், சித்த மருத்துவப் பிரிவுகள்,என தமிழகம் முழுவதும் 1,061 இடங்களில் அளிக்கப்படுகிறது.
உடலில் நோய் எதிர்ப்பு சக்தியை அதிகரித்து தொற்று நோய்கள் வராமல் தடுப்பதற்காக, 9 வகையான மூலிகைகள் கலந்து நிலவேம்பு குடிநீர் பொதுமக்களுக்கு வழங்கப்படுகிறது.
இதை, பெரியவர்கள் 50 மி.லி வரையும், 12 வயதுக்குட்பட்டவர்கள் 10 மி.லி வரையும் 5 நாட்களுக்கு நாள்தோறும் அருந்த வேண்டும் என அரசு அறிவுறுத்தியுள்ளது.