நம்முடைய வாழ்வில் நமக்கு கிடைக்கும் அனைத்துமே இறைவன் நமக்கு கொடுத்த வரம். ( பொருட்கள், உடைமை,வீடு ….) இவற்றை முறைப்படி நாம் சுத்தமாக வைத்து கொண்டால் தான் நம் இல்லம் ஒரு இனிமையான இல்லமாக அமையும்.
நமது வீடு சுத்தமாக ,நமது மனமும் நிறைந்து விடும், நம் இல்லத்தை மற்றவர்கள் பார்க்கும் போது, நமக்கென்று அவர்களிடத்தில் தனி மரியாதை உண்டாகும். சொந்த ,வாடகை வீடோ, பழைய வீடோ, புது வீடோ எந்த வீடாக இருந்தாலும்,அந்த வீட்டை சுத்தமாக வைத்துக் கொள்வது அந்த வீட்டில் கடமை.
குழந்தைகளின் பங்கு
நமது குடும்பத்தில் உள்ள குழந்தைகள்பெற்றோர்களை பார்த்தே பழக்கவழக்கங்களை கற்றுக்கொள்கின்றார்கள். எனவே தாயாக இருந்தாலும் சரி, தந்தையாக இருந்தாலும் சரி இருவரும் இணைந்தே வீட்டு வேலைகளை பார்ப்பது மிக சிறந்தது.
ஆண் குழந்தை, பெண் குழந்தை என்ற வேறுபாடு பார்ப்பதை தவிர்க்க வேண்டும். பெண்கள் தான் வீட்டு வேலைகள் அனைத்தையும் செய்ய வேண்டும் என்பதை தவிர்க்க வேண்டும். ஆண்களும் இந்த வேலைகளை செய்ய வேண்டும் என்று குழந்தைகளுக்கு வளர்க்க வேண்டும்.
சரியான இடத்தில் பொருட்கள்
குழந்தைகளை மிகப்பெரிய வேலைகளை கொடுக்காமல், முதலில் தங்களது கடமைகளை சரியாக செய்ய கற்றுக் கொடுக்க வேண்டும். காலையில் எழுந்தது, தங்களது படுக்கைக்குரிய பொருட்களை எடுத்து சரியான இடத்தில் வைக்க வேண்டும்.
அழுக்குத்துணிகளை அதற்குரிய இடத்தில போட வேண்டும் என்றும், தங்களுக்குரிய வேலைகளை சரியாக செய்ய வேண்டும் என்பதை கற்றுக் கொடுக்க வேண்டும்.
வீட்டில் உள்ள அனைத்து வேலைகளையும் ஒருவர் மட்டுமே பார்க்காமல், குடும்பத்தில் உள்ள அனைத்து நபர்களும் வேலைகளை பகிர்ந்து செய்யும் பழக்கதினை வளர்த்துக் கொள்ள வேண்டும்.
இல்லத் தூய்மை என்பது மனிதனுடைய வாழ்க்கையில், மிகவும் இன்றியமையாத ஒன்று.
நம் இல்லத்தை பொறுத்து தான் நமது வாழ்க்கை அமையும் .
எனவே, வீட்டில் அனைவரும் பகிர்ந்து, திட்டமிட்டு வேலைகளை செய்து, வீட்டை தூய்மையாக வைத்துக் கொண்டால் அரோக்கியமான குடும்பமாகவும் மகிழ்ச்சியான குடும்பமாகவும் நம் இல்லம் விளங்கும்.