இன்று திருமாவளவனை சந்தித்தார் பொன்.ராதாகிருஷ்ணன்

விடுதலைச் சிறுத்தைகள் கட்சியின் தலைவர் தொல்.திருமாவளவனை, மத்திய அமைச்சர் பொன்.ராதாகிருஷ்ணன் இன்று சந்தித்தார். அசோக்நகரில் உள்ள விடுதலைச் சிறுத்தைகள் கட்சியின் அலுவலத்தில் இந்த சந்திப்பு நடந்தது.

பின்னர் செய்தியாளர்களிடம் பேசிய பொன்.ராதாகிருஷ்ணன், நட்பு அடிப்படையில் மரியாதை நிமித்தமாக திருமாவளவனை சந்தித்துப் பேசினேன். தேர்தல் குறித்து எதுவும் பேசவில்லை என்றார்.

தஞ்சை, அரவக்குறிச்சி, திருப்பரங்குன்றம் ஆகிய 3 தொகுதிகளில் இடைத்தேர்தல் அறிவிக்கப்பட்டுள்ள நிலையில் இந்த சந்திப்பு முக்கியத்துவம் வாய்ந்ததாக அரசியல் வட்டாரத்தில் பார்க்கப்படுகிறது. இடைத்தேர்தலில் மக்கள் நலக் கூட்டணி போட்டியிடுவது பயனற்றது என்று திருமாவளவன் கருத்து தெரிவித்திருந்தது குறிப்பிடத்தக்கது.