இலங்கைக்கு கடல் மேல் 23 கிலோ மீட்டர் பாலம்: நிதின் கட்கரி

இந்தியா மற்றும் இலங்கையை இணைக்கும் வகையில் பாக் நீரிணைக்கு குறுக்கே 23 கிலோ மீட்டர் நீளமான பாலம் கட்ட மத்திய அரசு பரிசீலித்து வருவதாக மத்திய தரைவழிப் போக்குவரத்து மற்றும் நெடுஞ்சாலைத் துறை அமைச்சர் நிதின் கட்கரி தெரிவித்துள்ளார்.

இதுகுறித்து தில்லியில் அவர் கூறியதாவது:

சார்க் நாடுகளான வங்க தேசம், பூடான், நேபாளம் ஆகிய நாடுகளுடன் சாலை போக்குவரத்தை ஏற்படுத்தும் வகையில் மத்திய அரசு அண்மையில் ஒப்பந்தங்களை மேற்கொண்டது. இந்த நாடுகளுடன் பஸ் போக்குவரத்து தொடங்கப்பட்டுள்ளது.

இதனைத் தொடர்ந்து சார்க் நாடான இலங்கையுடன் சாலை மற்றும் சுரங்கம் மூலம் போக்குவரத்தை ஏற்படுத்தும் நடவடிக்கைகளை மத்திய அரசு மேற்கொண்டு வருகிறது.

தமிழகத்தில் தனுஷ்கோடியில் இருந்து இலங்கை தலைமன்னாரை இணைக்கும் வகையில் 23 கிலோ மீட்டர் நீள பாலம் கட்ட முடிவு செய்யப்பட்டுள்ளது. கடலுக்கு மேலே மற்றும் கடலின் கீழே சுரங்கம் அமைப்பது பாலம் கட்டுவது குறித்து பரிசீலிக்கப்பட்டு வருகிறது. கடலுக்கு மேலே அமைக்கப்படும் பாலமானது “சார்க்” நாடுகளின் போக்குவரத்து துறையில் மிகப் பெரிய பங்களிப்பை ஆற்றும் என்று கூறியுள்ளார்.

இலங்கைஒப்பந்தங்கள்சார்க் நாடுகள்தனுஷ்கோடிநிதின் கட்கரிபாலம்போக்குவரத்து துறைமத்திய அரசு
Comments (0)
Add Comment