கூகுளில் “டிரம்ப் நியூஸ்” எனத் தேடினால் போலி ஊடகங்களால் வெளியிடப்பட்ட பொய் செய்திகளே வருவதாகவும், கூகுள் நிறுவனம் தம்மையும் தமது கட்சியினர் குறித்த நல்ல தகவல்களையும் மறைத்து கெட்ட தகவல்களை மட்டும் முதலவதாக தருவதாகவும் டிவிட்டரில் அதிபர் டிரம்ப் கூகுள்மீது குற்றம் சுமத்தியுள்ளார்.
இதேவேளை இது தொடர்பில் கருத்து தெரிவித்த கூகுள் நிறுவனம் தாங்கள் எந்த ஒரு அரசுக்கும் சாதகமாகவோ, பாதகமாகவோ தகவல்களை முதன்மைப்படுத்தித் தருவதில்லை என மறுத்துள்ளது.
அதேவேளை அல்காரிதம் படி தேடுபொறியில் அவர்கள் வசிக்கும் பகுதி, முந்தைய தேடல்கள், அதிகம் பார்க்கப்பட்டவை உள்ளிட்டவற்றின் அடிப்படையிலேயே தகவல்களை கூகுள் தேடி தருவதாகவும் விளக்கமளித்துள்ளமை குறிப்பிடத்தக்கது.