பிரதமர் நரேந்திர மோடியின் கனவுத் திட்டமான ஸ்மார்ட் சிட்டி

பிரதமர் நரேந்திர மோடியின் கனவுத் திட்டமான ஸ்மார்ட் சிட்டி திட்டத்தை உருவாக்க சிங்கப்பூர் உதவி செய்வதாக உறுதி அளித்துள்ளது.சிங்கப்பூர் வெளியுறவுத் துறை அமைச்சர் கே.சண்முகம் இந்தியா வந்துள்ளார். டெல்லியில் மத்திய வெளியுறவுத் துறை அமைச்சர் சுஷ்மா சுவராஜை சந்தித்து சுமார் 45 நிமிடங்களுக்கும் மேலாக உரையாடினார்.

அப்போது, இரு நாட்டு உறவு, வர்த்தகம், பாதுகாப்பு உள்ளிட்ட விவகாரங்கள் குறித்து ஆலோசித்ததாக தெரிய வருகிறது. அப்போது செய்தியாளர்களை சந்தித்த கே.சண்முகம், சிங்கப்பூர் இந்தியாவில் அதிக முதலீடு செய்துள்ளது என்று கூறினார்.இந்தியாவில் ஸ்மார்ட் நகரங்களை உருவாக்குவதுக் குறித்து சுஷ்மாவுடன் ஆலோசித்ததாகவும், இது பிரதமர் நரேந்திர மோடியின் கனவுத் திட்டம் என்றும் கூறிய அவர், இத்திட்டத்தை நனவாக்க சிங்கப்பூர் இந்தியாவுக்கு தேவையான உதவிகளை செய்யும் என்றும் மேலும் கூறியுள்ளார்.

2006ம் ஆண்டு ஸ்மார்ட் சிட்டியை உருவாக்குவது குறித்து அறிந்துக்கொள்ள குஜராத் முதல்வராக இருந்த நரேந்திர மோடி, தொழில் அதிபர் குழுவை சிங்கப்பூருக்கு அனுப்பி வைத்தார் என்பது இவ்வேளையில் குறிப்பிடத்தக்கது

அளித்துள்ளது.உதவிஉருவாக்கஉறுதிகனவுத்சிங்கப்பூர்சிட்டிசெய்வதாகதிட்டத்தைதிட்டமானநரேந்திரபிரதமர்மோடியின்ஸ்மார்ட்
Comments (0)
Add Comment