முல்லைத்தீவு –புதுக்குடியிருப்பு பகுதியில் ஹெரோயின் கடத்தலில் ஈடுபட்ட பெண்னொருவர் உள்ளிட்ட இருவர் கைதுசெய்யப்பட்டுள்ளனர்.
இந்த சந்தேகநபர்கள் நேற்று (6ஆம் திகதி) மாலை கைது செய்யப்பட்டதாக காவல்துறையினர் குறிப்பிட்டுள்ளனர்.
இதன்போது கைது செய்யப்பட்ட ஆண் சந்தேகநபரிடமிருந்து ஒரு கிராம் 860 மில்லிகிராம் ஹெரோயின், ஹெரோயின்வியாபாரத்தில் திரட்டிய 12,000 ரூபா பணம் மற்றும் 4 கையடக்கத் தொலைபேசிகள் என்பனவும் பெண் சந்தேகநபரிடமிருந்து 630மில்லிகிராம் ஹெரோயினும் கைப்பற்றப்பட்டுள்ளன.
மன்னார் – சிலாவத்துறை பகுதியைச் சேர்ந்த 44 வயதான ஆண் ஒருவரும் யாழ். சுன்னாகத்தைச் சேர்ந்த 32 வயதான பெண்ஒருவருமே இவ்வாறு கைது செய்யப்பட்டுள்ளனர்.
இதனையடுத்து, குறித்த சந்தேகநபர்களை முல்லைத்தீவு நீதவான் முன்னிலையில் ஆஜர்படுத்த நடவடிக்கைஎடுக்கப்பட்டுள்ளது.
புதுக்குடியிருப்பு காவல்துறையினர் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.