விரைவில் வடக்கு மற்றும் கிழக்கு மாகாணங்களில் பாரிய அபிவிருத்தி திட்டங்களை மேற்கொள்வதற்கான யோசனைகள் பிரேரிக்கப்பட்டுள்ளதாக, பிரதமர் ரணில் விக்ரமசிங்க தெரிவித்துள்ளார்.
நேற்று இடம்பெற்ற ஸ்ரீலங்கா முஸ்லிம் காங்கிரஸின் தேசிய மாநாட்டில் கலந்துகொண்டு உரையாற்றும் போதே பிரதமர் இவ்வாறு குறிப்பிட்டுள்ளார். தொடர்ந்து கருத்து வெளியிட்டவர், கடந்த அரசாங்கத்தின் ஒழுங்கற்ற பொருளாதார மற்றும் அபிவிருத்தி திட்டங்கள் காரணமாக, மக்களும் தற்போது கடன்செலுத்த வேண்டிய நிலைக்குத் தள்ளப்பட்டுள்ளனர்.
இந்நிலையில், தற்போது அரசாங்கம் பல முக்கிய செயற்பாடுகளை மேற்கொண்டு நாட்டை அபிவிருத்தி பாதையில் இட்டுச்செல்கின்றது. மேலும், புதிய அரசியல் யாப்பினூடாக மக்களின் அடிப்படை பிரச்சினைகளுக்கு உரிய தீர்வு பெற்றுக்கொடுக்கப்படுமென பிரதமர் ரணில் விக்ரமசிங்க மேலும் தெரிவித்துள்ளார்.