வரவு – செலவுத் திட்டத்தில் வடக்கு, கிழக்கு அபிவிருத்திக்கு முக்கியத்துவம்..

எதிர்வரும்  வருடத்துக்கான வரவு – செலவுத் திட்டத்தில் வடக்கு, கிழக்கு அபிவிருத்திக்கு முக்கியத்துவம் கொடுக்கப்படவேண்டும் என வலியுறுத்தப்பட்டுள்ளது.

இதனை  ஸ்ரீலங்கா முஸ்லிம் காங்கிரஸின் தலைவரும் நகர திட்டமிடல் நீர்வழங்கள் மற்றும் உயர் கல்வி அமைச்சருமான ரவூப் ஹக்கீம்  வலியுறுத்தியுள்ளார்.

நேற்றைய தினம் நாடாளுமன்றத்தில் நிதி அமைச்சர் மங்கள சமரவீரவினால்  சமர்ப்பிக்கப்பட்ட இடைக்கால கணக்கறிக்கை தொடர்பான விவாதத்தில் கலந்துகொண்டு கருத்து வெளியிடும் போதே அவர் இதனை குறிப்பிட்டுள்ளார்.

வடக்கு கிழக்கு  மக்களின் தொழில் வாய்ப்புகளை அதிகரிக்கும் வகையில் நிதி ஒதுக்கீட்டை மேற்கொள்ள நடவடிக்கை எடுக்கப்பட வேண்டும் என்றும் அவர் கூறியுள்ளார்.

அதோடு  நாட்டில்  இடம்பெற்ற அரசிய குழப்ப நிலையால் நாட்டின் பொருளாதாரம் தொடர்ந்தும் பாதிக்கப்பட்டுள்ளதாகவும்,  இந்த நிலையை ஏற்படுத்தியவர்கள் தற்போது எதிர்க்கட்சிக்கு சென்று பதவிகளை பெற்றுக்கொண்டிருக்கின்றனர் என்றும் அவர் சுட்டிக்காட்டியுள்ளார்.

மேலும்  கடந்த 2007ஆம் ஆண்டு முதல் அதிகளவான நிதிகளை வெளிநாடுகளிலிருந்து கடன்களாகப் பெற்றுக்கொள்ளும் கட்டாய நிலைக்குத் தள்ளப்பட்டதாகவும்,

நாட்டில் ஏற்பட்ட பொருளாதார நெருக்கடியே இந்நிலைக்கு காரணமாகும்  ரவூப் ஹக்கீம் கூறியுள்ளமை குறிப்பிடத்தக்கது.

முன்னுரிமைரவூப் ஹக்கீம்வடக்கு கிழக்குவரவு செலவு திட்டம்
Comments (0)
Add Comment