கடந்த ஆறு மாதங்களுக்கு மேலாக அதிபருக்கான வெற்றிடம் நிலவுகிறது. இவ் விடயம் தொடர்பாக கல்வித் திணைக்களம் எதுவித நடவடிக்கையும் மேற்கொள்ளவில்லை என பெற்றோர்கள் குற்றம் சுமத்தினர். அதிபர் இல்லாத காரணத்தில் ஆசிரியரொருவர் பதில் கடமையில் ஈடுபடுவதால் மாணவர்களின் கல்வி நடவடிக்கை பாதிக்கப்படுகிறது, சில வகுப்புகளுக்கு ஆசிரியர்கள் பற்றாக்குறை காணப்படுகிறது.
பாடசாலைக்கு ஆசிரியர்கள் நேரத்துக்கு சமுகமளிப்பதில்லை என குறித்த இடத்துக்கு வருகைதந்த பாராளுமன்ற உறுப்பினர் சா.வியாழேந்திரன் மற்றும் மட்டக்களப்பு வலயக் கல்விப் பணிப்பார் கே.பாஸ்கரன் ஆகியோரிடம் பெற்றோர்கள் முறையிட்டனர். அவ் விடயம் தொடர்பாக கருத்து தெரிவித்த மட்டக்களப்பு வலயக் கல்விப் பணிப்பார் கே.பாஸ்கரன் ஆசிரியர் பற்றாக்குறை தொடர்பாக மாகாண கல்வித் திணைக்களத்துக்கு அறிவித்துள்ளோம் புதிய ஆசிரியர் நியமனங்கள் மூலம் இந்தப் பாடசாலையின் ஆசிரியர் பற்றாக்குறை நிவர்த்திக்கப்படும்.
அதிபர் தொடர்பாக நேர்முகப்பரீட்சை நடத்தப்பட்டு புதிய அதிபர் விரைவில் நியமிக்கப்படுவார், ஆசிரியர்கள் உரிய நேரத்துக்கு வருகை தராமை தொடர்பாக விசாரணை நடத்தி நடவடிக்கை எடுக்கப்படும் என கூறினார்.