இலங்கைத் தமிழர் பிரச்சினையில் இந்தியா தலையிட்டாலேயே நிரந்தர தீர்வு காணமுடியும். இந்தியா இன்றி இப்பிரச்சினையில் தீர்வு காணமுடியாது என வடமாகாண முதலமைச்சர் சி.வி.விக்கினேஸ்வரன் தெரிவித்துள்ளார்.
இலங்கை அரசு எல்லா விதத்திலும் தங்களை இயங்கவிடாமல் தடுப்பதாகத் தெரிவித்த அவர்இ ஜனாதிபதி மஹிந்த தங்களுக்கு அளித்த வாக்குறுதியை செயற்படுத்த வேண்டும் என்பதையே அவரிடம் தாங்கள் கோருவதாகவும் குறிப்பிட்டார்.
சென்னை பத்திரிகையாளர் மன்றத்தில் நேற்று செய்தியாளர்களை சந்தித்தபோதே அவர் இவ்வாறு தெரிவித்திருந்தார்.
இதன்போது அவர் மேலும் தெரிவித்ததாவது,
தமிழர் நிலையில் மாற்றம் இல்லை போருக்குப் பின்னரும் இலங்கையில் தமிழர்களின் நிலை சற்றும் மாறவில்லை. இலங்கை வட மாகாணத்தைப் பொறுத்தவரையில் 2 நிர்வாகங்கள் செயற்படுகின்றன. எங்களது மாகாண சபை ஒரு நிர்வாகத்தையும் இலங்கை அரசு மற்றொரு நிர்வாகத்தையும் நடத்துகிறது. மாகாண சபையின் செயலாளர் என்பவரைக் கூட எங்களுடன் ஆலோசிக்காமலேயே இலங்கை அரசு நியமித்திருக்கிறது.
ஆளுநர், தலைமைச் செயலாளர் உள்ளிட்டோர் ஒரு நிர்வாகமாகவும் மக்கள் பிரதிநிதிகள் நாங்கள் ஒரு நிர்வாகமாகவும் இயங்கி வருகிறோம். வடக்கு மாகாணத்தில் இலங்கை அரசு ரயில் திட்டம் போன்றவற்றை செயற்படுத்துவது உலகுக்கு அங்கே அனைத்தும் நன்றாக உள்ளது எனக் காட்டுவதற்காகத்தான். இதனால்இ தமிழ் மக்களுக்கு எந்த ஒரு நன்மையும் இல்லை.
இலங்கையில் போரில் பாதிக்கப்பட்ட 18 ஆயிரம் பேரும், 1 இலட்சம் இளம் விதவைகளும், பெற்றோரை இழந்த எண்ணற்ற குழந்தைகளும் ஆதரவற்று இருக்கின்றனர். இளைஞர்கள், பெண்கள், அன்றாடம் குடும்பம் நடத்த பணவசதி இன்றி வேலை இல்லாமல் தவித்து வருகின்றனர்.
போரில் பாதிக்கப்பட்டவர்களுக்கு தேவையான மருத்துவ வசதிகளும் கிடைக்கவில்லை. இந்தியா முன்வந்து வீடு கட்டித்தரும் திட்டத்தில் தகுதியானவர்களுக்கு வீடு கிடைப்பதில்லை. அரசியல் செல்வாக்குஇ ஆள்பலம் உள்ளவர்களுக்கு வீடு கிடைக்கிறது. இலங்கை அரசு எங்களை எல்லா விதத்திலும் இயங்க விடாமல் தடுக்கிறது. அதிகாரம் இல்லாமல் தான் நான் முதலமைச்சராக செயற்படுகிறேன்.
இலங்கை தமிழர் பிரச்சினையில் இந்தியா தலையிட்டால் தான் நிரந்தர தீர்வுகாண முடியும். இந்தியா இன்றி இப்பிரச்சினையில் தீர்வு காண முடியாது.
இலங்கை அரசியலமைப்பின் 13-ஆவது திருத்தச் சட்டம் எங்களுக்கு நன்மை அளிக்காது. அதில் பல்வேறு சிக்கல் நிலவுகிறது. தமிழர்கள் தங்கள் வாழ்வுரிமையைப்பெற இந்திய அரசு தலையிட்டு உதவி செய்ய வேண்டும்.
இலங்கை அரசுக்கு பல்வேறு தரப்பினரும் நெருக்கடி கொடுக்கும் போதுதான் அவர்கள் சிலவற்றை நிறைவேற்றுகிறார்கள் இல்லையென்றால் எதையும் அவர்கள் கண்ட கொள்வதில்லை.
5 தமிழக மீனவர்களுக்கு இலங்கையில் தூக்குத் தண்டனை விதிக்கப்பட்ட சம்பவத்துக்கு தமிழ்நாட்டிலிருந்து ஒட்டுமொத்த எதிர்ப்பும் எழுந்துள்ளது. இதுதொடர்பில் இந்திய அரசும் இலங்கையுடன் பேசி வருகிறது.
1976 க்குப் பின்னர் தூக்கு நிறைவேற்றப்படவில்லை. சமீபத்தில் என்னை மீனவ குடும்பத்தினரும் சந்தித்துப்பேசினார்கள். அவர்களிடம் நாங்கள் கொடுத்த உறுதி மொழி என்னவென்றால்இ 1976 ஆம் ஆண்டிலிருந்து இலங்கையில் தூக்குத் தண்டனை நிறைவேற்றப்படவில்லை என்றும்இ சட்டத்தில் அவ்வாறு கூறப்பட்டிருந்தாலும் அத்தகைய கடுமையான எந்த வித நடவடிக்கையிலும் இலங்கை அரசு ஈடுபடவில்லை என்று கூறினேன்.
இதில் பாதிப்புக்கு உள்ளானவர்களுக்கு தூக்குத் தண்டனைக்கு பதில் நன்மைகளே கிடைக்கக்கூடும். இந்த வழக்கு நீதிமன்றில் இருப்பதால் அதிகமாக இதில் விமர்சிக்க முடியாது என்கிறேன்.
தூக்குத் தண்டனை விதிக்கப்பட்ட 5 மீனவர்களையும் மத்திய சிறைக்கு மாற்ற முடியுமா என்பது பற்றி எங்களுக்கு தெரியாது. இலங்கை அரசு செல்வதை செயற்படுத்துவதில்லை.
இலங்கை ஜனாதிபதி சொல்வது எதையும் உடனே செயற்படுத்துவது கிடையாது. 2009 ஆம் ஆண்டு இலங்கையில் போர் முடிந்ததும் வட மாகாண தேர்தலை நடத்ததப்போவதாக அவர் கூறினார். ஆனால்இ அப்போது நடத்தவில்லை.
இந்த விடயத்தில் இந்தியா தலையிட்டு வலியுறுத்திய பின்னரே 2013 ஆம் ஆண்டு எங்களுக்கு தேர்தல் நடத்தப்பட்டது. எனவேஇ பிரதமர் மோடி அரசு இலங்கை பிரச்சினைக்கு தீர்வுகண்டிட உதவ முடியும் என்று நம்பிக்கையில் இருக்கிறோம்.
இலங்கையில் தமிழர்கள் வாழும் பகுதியில் சிங்கள குடியேற்றமும் அதிகம் நடைபெறுகிறது. ஜனாதிபதி மஹிந்தவிடம் நாங்கள் கோருவது எமக்கு கொடுத்த வாக்குறுதியை செயற்படுத்துங்கள் என்பதைத்தான்” என்றார்