கிளிநொச்சி மாவட்ட செயலக வளாகத்தில் ஐரோப்பிய ஒன்றிய நிதிப்பங்களிப்புடன் வேள்ட்விஷன் நிறுவனத்தால் நிறுவப்பட்ட பால் உற்பத்தி விற்பனை நிலையக் கட்டடத்தை அண்மையில் திறந்து வைத்து உரையாற்றுகையிலேயே மேற்கண்டவாறு குறிப்பிட்டார்.
மேலும் அவர் தெரிவிக்கையில்,
கிளிநொச்சி மாவட்ட மக்களில் அதிகளவானோர் போஷாக்குக் குறைந்தவர்களாகக் காணப்படுகின்றனர் .இது தொடர்பான ஆய்வுகள் உறுதிப்படுத்தியுள்ளன. இந்த நிலையில் எமது மாவட்டத்தில் உற்பத்தியாகும் பால் வெளியிடங்களுக்கு எடுத்துச் செல்லாமல் எமது மக்கள் பயனடைய ஏதுவாக நடவடிக்கை எடுத்துள்ளேன்.
இது தொடர்பில் லிக்கோ நிறுவனத்தின் ஒத்துழைப்பும் கோரப்பட்டுள்ளது. இங்கு உற்பத்தியாகும் பால் எமது மக்களுக்குப் பூர்த்தியான பின்பு மேலதிக பாலை வெளிமாவட்டங்களுக்குக் கொண்டு செல்லலாம். இதில் எந்தத் தடையும் இல்லை.
ஐரோப்பிய ஒன்றிய நிதிப்பங்களிப்புடன் வேள்ட்விஷன் நிறுவனம் எமது மாவட்ட செயலக வளாகத்தில் மிக அழகாகவும் நேர்த்தியாகவும் மக்கள் பயன்படும் வகையில் பால் உற்பத்தி விற்பனை நிலையக் கட்டடத்தை அமைத்து எம்மிடம் ஒப்படைத்துள்ளது. இதையிட்டு மகிழ்ச்சியும் பெருமிதமும் அடைகிறேன்.
இங்கு பால் உற்பத்தி மட்டுமல்ல பாற்பொருட்கள் விற்பனையும் இடம்பெறும். இதனை மக்கள் பெற்று போஷாக்கு மிகுந்தவர்களாகத் திகழ வேண்டும் என்றார்.