சமையல் எரிவாயு மானியத் திட்டம்: வாடிக்கையாளர்கள் இணைய இன்று கடைசி நாள்

சமையல் எரிவாயு மானியத் திட்டத்தில் இணைய இன்று கடைசி நாள் ஆகும்.  இத்திட்டத்தில் இன்றுக்குள் இணைவோருக்கு ஜனவரி முதல் இதுவரை வாங்கிய சிலிண்டர்களுக்கு நிறுத்தி வைக்கப்பட்ட மானியம் மொத்தமாக வங்கிக்கணக்கில் செலுத்தப்படும்.

மேலும் நாளை முதல் இணையும் வாடிக்கையாளுக்கு கடந்த 6 மாதம் மானியம் கிடைக்காது. எந்த மாதத்தில் இணைகின்றார்களோ அந்த மாதத்திலிருந்து வாடிக்கையாளர்களுக்கு மானியம் தரப்படும்.

தமிழகத்தில் இந்தியன் ஆயில், பாரத் பெட்ரோலியம், இந்துஸ்தான் பெட்ரோலியம் ஆகிய பொதுத்துறை எண்ணெய் நிறுவனங்களுக்கு 1 கோடியே 54 லட்சம் சமையல் எரிவாயு வாடிக்கையாளர்கள் உள்ளனர். இவர்களில் 1 கோடியே 40 லட்சம் பேர் நேரடி மானியத்திற்கு விண்ணப்பித்துள்ளனர்.