இந்நிலையில், குறித்த பகுதியில் முரண்பாடுகள் ஏற்படாதவாறு நடவடிக்கை எடுக்க வேண்டும் என அந்த பகுதிக்கு பொறுப்பான பொலிஸ் அதிகாரியிடன் கோரியுள்ளதாகவும் அவர் தெரிவித்தார்.
திருகோணமலை, மூதூர், மல்லிகைத்தீவு பகுதியில் தமிழ் சிறுமிகள் மூவர் பாலியல் துஷ்பிரயோகத்திற்கு உட்படுத்தப்பட்டுள்ள நிலையில், அந்த பகுதியில் பதற்ற நிலை ஏற்பட்டுள்ளது.
இது குறித்து அமைச்சர் மனோகணேசன் இதனை தெரிவித்தார். தொடர்ந்தும் கருத்து தெரிவித்த அவர்,
சம்பவத்தில் 10 வயது மதிக்கத்தக்க சிறுமிகளே பாதிக்கப்பட்டுள்ளனர். குறித்த சிறுமிகளை வைத்திய பரிசோதனைகளுக்காக திருகோணமலை வைத்தியசாலையில் அனுமதிக்குமாறு கூறியுள்ளேன்.
குறித்த சிறுமிகளின் வைத்திய பரிசோதனை திருகோணமலை வைத்தியசாலையிலேயே மேற்கொள்ள வேண்டும் என்பதை அழுத்தமாக கூறியிருப்பதாக அவர் வலியுறுத்தியுள்ளார்.
இந்நிலையில், இந்த சம்பவம் தொடர்பில் முஸ்லிம் இளைஞர்கள் சிலர் கைது செய்யப்பட்டுள்ளனர். அவர்களிடம் உரிய முறையில் விசாரணை மேற்கொள்ள வேண்டும் என்பதையும் வலியுறுத்தியிருப்பதாக அவர் கூறினார்.
இதேவேளை, குறித்த சம்பவம் காரணமாக அந்த பகுதியில் முரண்பாடுகள் ஏற்படாத வகையில் நடவடிக்கை எடுக்க வேண்டும் என்பதையும் அந்த பொலிஸ் பொறுப்பதிகாரிக்கு எடுத்துக்கூறியுள்ளேன்.
அத்துடன், பாதிக்கப்பட்டுள்ள சிறுமிகளுக்கு எந்த வகையிலும் அநீதி இழைக்கப்படக் கூடாது என்பதையும் வலியுறுத்தி இருப்பதாக அவர் மேலும் தெரிவித்தார்.