நகரப் பகுதியில் ஊதுபத்தி விற்பனை செய்தல், பண்ணை மீன் சந்தையில் மீன் விற்பனை செய்தல் மற்றும் தேன் விற்பனை செய்தல் போன்றவற்றிலேயே சிறுவர் தொழிலாளர்கள் அதிகளவில் ஈடுபடுத்தப்பட்டு வருகின்றனர்.
சிறுவர் தொழிலாளர்கள் தொடர்பில் அவர்களின் பெற்றோர்களுக்கு விழிப்புணர்வு ஏற்படுத்தி, அவர்களை மீண்டும் பாடசாலையில் இணைக்கும் நடவடிக்கையில் மாவட்டச் செயலக சிறுவர் அதிகார சபை மற்றும் நன்னடத்தை அதிகாரிகள் முயற்சிகளை மேற்கொண்டபோதிலும், சிறுவர் தொழிலாளர்களின் எண்ணிக்கை குறையவில்லை.
மேலும், யாழ்ப்பாணத்தில் இடம்பெறும் சிறுவர் துஸ்பிரயோகங்களில், நகரப்பகுதியில் உள்ள வர்த்தக நிலையங்களில் பணிபுரியும் சிறுவர்களே அதிகம் பாதிக்கப்படுவதாக புள்ளிவிவரத் தகவல்கள் மேலும் குறிப்பிடுகின்றன.