மேஷம்
இன்று உங்களது காரியங்களுக்கு இருந்த எதிர்ப்புக்கள் விலகும். பணவரத்துத் திருப்தி தரும். மனக் குழப்பம் நீங்கும். மாணவர்கள் பாடங்கள் படிக்க வேண்டுமே என்ற கவலை குறையும். சக மாணவர்களின் ஒத்துழைப்புக் கிடைக்கும். காரியங்களைச் சாதிப்பீர்கள். சாமர்த்தியமாகப் பேசி காரியத்தை வெற்றிகரமாகச் செய்து முடிப்பீர்கள்.
ரிஷபம்
இன்று நீண்ட தூரத்தில் இருந்து வரும் தகவல்கள் நன்மையாகவிருக்கும். கூர்மையான மதி நுட்பத்தால் எந்தப் பிரச்சினையையும் எளிதாகத் தீர்த்து விடுவீர்கள். பூர்வீக சொத்துக்களில் இருந்த தகராறுகள் நல்ல முடிவுக்கு வரும். தொழில் வியாபாரம் திருப்திகரமாகக் காணப்படும். பார்ட்னர்கள் ஒத்துழைப்புடன் வியாபாரத்தை விரிவாக்கம் செய்ய முற்படுவீர்கள்.
மிதுனம்
இன்று கடிதம் மூலம் வரும் தகவல்கள் நல்ல தகவல்களாகவிருக்கும். வர வேண்டிய பணம் வந்து சேரும். கஷ்டங்கள் குறையும். மாணவர்களுக்குக் கல்வியில் வெற்றி பெற எடுக்கும் முயற்சிகள் சாதகமாகப் பலன் தரும். எதிலும் வேகமாக செயலாற்ற வேண்டும் என்ற எண்ணம் தோன்றும்.
கடகம்
இன்று உத்தியோகத்திலிருப்பவர்களுக்கு வீண் அலைச்சல் ஏற்பட்டாலும் எடுத்த வேலையை எப்பாடுபட்டாவது செய்து விடுவீர்கள். புதிய வேலைக்கு முயற்சிப்பவர்களுக்குச் சாதகமான பலன்தரும். குடும்பத்தில் கணவன் மனைவிக்கிடையே இருந்த மனஸ்தாபங்கள் நீங்கி ஒற்றுமை உண்டாகும்.
சிம்மம்
இன்று பிள்ளைகள் நீங்கள் சொல்வதைக் கேட்டு நடப்பது மனத் திருப்தியைத் தரும். உங்களது ஆலோசனை கேட்டு குடும்பத்தில் இருப்பவர்கள் செயல்படுவார்கள். ஆன்மீக நாட்டம் உண்டாகும். வீண் அலைச்சல் ஏற்படலாம். மாணவர்களுக்குத் தொழில்நுட்பக் கல்வியில் ஆர்வம் உண்டாகும். புதிய வகுப்புகளில் சேர முயற்சிகள் மேற்கொள்வீர்கள்.
கன்னி
இன்று சுபகாரியங்களில் கலந்து கொள்ள நேரலாம். காரிய வெற்றி உண்டாகும். இழுபறியாக இருந்தவை சாதகமாக முடியக்கூடும். தேவையற்ற கவலைகள் நீங்கும். உங்களை பற்றி விமர்சனம் செய்து வந்தவர்கள் அதனை விட்டு விடுவார்கள்.
துலாம்
தொழில் வியாபாரத்திலிருந்த போட்டிகள் விலகும். கடன் பிரச்சனை தீரும். ஆர்டர்பிடிப்பதில் இருந்த கஷ்டம் குறையும். உத்தியோகத்தில் இருப்பவர்கள் எளிதாக பணிகளை செய்து முடிப்பார்கள். மேலதிகாரிகளின் ஒத்துழைப்புக் கிடைக்கும்.
விருச்சிகம்
இன்று பாதியில் நின்ற வீடுகட்டும் பணியை மீண்டும் தொடருவீர்கள். சிலர் புதிய வீட்டிற்குக் குடிபுகுவார்கள். கணவன் மனைவிக்கிடையில் திடீரென்று கருத்து வேற்றுமை உண்டாகலாம். பிள்ளைகள் கல்வியில் முன்னேற்றம் அடையத் தேவையான உதவிகளைச் செய்வீர்கள்.
தனுசு
இன்று மற்றவர்களிடம் கவனமாகப் பேசுவது கருத்து வேற்றுமை வராமல் தடுக்கும். வீண் அலைச்சல் குறையும். மாணவர்களுக்கு கல்வியில் முன்னேற்றமடைய தேவையான உதவிகள் கிடைக்கும். விளையாட்டுப் போட்டிகளில் பங்கேற்கும் போது கவனம் தேவை.
மகரம்
இன்று துணிச்சலாக எதையும் செய்து முடித்துக் காரிய வெற்றி அடைவீர்கள். மற்றவர்களுடனிருந்த பகை நீங்கும். பூர்வீக சொத்துக்களில் இருந்த சிக்கல்கள் தீரும். பணவரத்துக் கூடும். அரசாங்கம் மூலம் இலாபம் உண்டாகும். நீண்டதூர பயணங்களால் சாதகமான பலன் கிடைக்கும்.
கும்பம்
இன்று தொழில் வியாபாரத்தில் இருந்த தொய்வு நீங்கி விறுவிறுப்படையும். வசூலாக வேண்டிய கடன் பாக்கிகள் வசூலாகும். தொழில் தொடர்பான பிரச்சனைகள் தீரும். உத்தியோகத்திலிருப்பவர்கள் பணி தொடர்பான கஷ்டங்கள் குறையும்.
மீனம்
இன்று குடும்பத்தில் மரியாதை கூடும். உங்களது வார்த்தைகளுக்கு மதிப்பிருக்கும். கணவன், மனைவிக்கிடையில் மனம் விட்டுப் பேசி எடுக்கும் முக்கிய முடிவுகள் நன்மை தரும். பிள்ளைகள் நலனில் அக்கறை காட்டுவீர்கள்.