உறுதிமொழியை ஏற்று உண்ணாவிரதத்தை கைவிட்டனர் முல்லை மக்கள்!

கேப்பாபுலவு மக்களின் பட்டினிப் போராட்டம் முடிவுக்கு கொண்டுவரப்பட்டுள்ளது முல்லைத்தீவு மாவட்டத்தின் கேப்பாபுலவு கிராமத்தின் மக்கள் தமது பூர்வீக நிலத்தை விடுவிக்குமாறு கோரி நேற்று முந்தினம் உண்ணாவிரதப் போராட்டத்தை ஆரம்பித்துள்ள  போராட்டத்தை இன்று சனிக்கிழமை  கைவிட்டுள்ளனர்.

இந்த உண்ணாவிரதத்தை நிறைவு செய்யுமாறும் மூன்று மாதத்துக்குள் தீர்வு பெற்றுத் தருவதாகவும் வட மாகாண முதலமைச்சர் அளித்த உறுதிமொழியை ஏற்று உண்ணாவிரதம் முடிவுக்கு கொண்டுவரப்பட்டுள்ளது.

முல்லைத்தீவு மாவட்டச் செயலர் ரூபவதி கேதீஸ்வரன், நாடாளுமன்ற உறுப்பினர் சாந்தி ஸ்ரீஸ்கந்தராஜா, வடமாகாண சுகாதார அமைச்சர் ப.சத்தியலிங்கம் ஆகியோர் நேரில் சென்று மக்களிடம் முதலமைச்சரின் வாக்குறுதியை கூறி உண்ணாவிரதத்தை முடித்து வைத்தனர்.

உண்ணாவிரதம்கேப்பாபிளவுசுகாதார அமைச்சர்பட்டினிப்போராட்டம்மக்கள்முதலமைச்சர்முல்லைத்தீவு
Comments (0)
Add Comment