கேப்பாபுலவு நில மீட்பு போராட்டத்துக்கு ஆதரவாக தாயகத்தின் வடக்கு மாணவர்கள் மாபெரும் ஆர்ப்பாட்டம்!

கேப்பாபுலவு மக்களுக்கு ஆதரவு தெரிவித்து வடமாகாண  ரீதியாக பாடசாலை மாணவர்கள்   இன்று காலை 08.00மணி தொடக்கம் 08.30 வரை கவனயீர்ப்பு போராட்டத்தை மேற்கொண்டனர்.
முல்லைத்தீவு மாவட்டத்தின் கேப்பாபுலவு மக்களின் காணிகளை அரசாங்கம் விடுவிக்க வேண்டும் என்று கோரி இன்று யாழ் புனித ஜேம்ஸ் மகளிர் பாடசாலை மாணவிகளும் கவனயீர்ப்பு போராட்டத்தில் ஈடுபட்டனர்.
கேப்பாபுலவு மக்களுக்கு எமது ஆதரவு,மக்களின் நிலம் மக்களுக்கே என்னும் கருப்பொருளில் இந்த கவனயீர்ப்பில் மாணவர்கள், மற்றும் ஆசிரியர்கள் பலரும் கலந்துகொண்டனர்.
இதேவேளை இன்றையதினம் மாணவர்கள் புதுக்குடியிருப்பில் இராணுவமுகாமிற்கு முன்னாலும் தமது கவனயீர்ப்பு போராட்ட த்தை மேற்கொண்டனர்.
கேப்பாபுலவில் இன்றைய தினம் 21 நாட்களாக இப்போராட்டம் இடம்பெறுகின்றமை குறிப்பிடத்தக்கது.
ஆர்ப்பாட்டம்கேப்பாபுலவுதாயகம்மாணவர்கள்முல்லைத்தீவுவடக்கு
Comments (0)
Add Comment