எகிப்தில் அகதிகள் பயணித்த படகு கவிழ்ந்து விபத்து

எகிப்து நாட்டில் அகதிகளுடன் மத்திய தரைக்கடலில் சென்ற படகொன்று திடீரென்று நீரில் மூழ்கியது. இதில் 10 பேர் பலியாகினர். 3 பேர் காயங்களுடன் மீட்கப்பட்டனர்.

இதனை எகிப்து நாட்டின் சுகாதாரத்துறை செய்தி தொடர்பாளர் காலித் மெகஹெத் உறுதி செய்துள்ளார்.  மூழ்கிய படகிலிருந்து சுமார் 150-க்கும் மேற்பட்ட அகதிகளை மீட்புக்குழுவினர் காப்பாற்றியதாகவும், வேறு யாராவது உயிர்பிழைத்திருக்கிறார்களா? என்று தேடி வருவதாகவும் எகிப்து போலீஸ் அதிகாரிகள் தெரிவித்தனர்.

விபத்திற்கான காரணம் குறித்து தகவல்கள் எதுவும் வெளியாகவில்லை. அளவுக்கு அதிகமாக பயணிகளை ஏற்றி சென்றதால் மூழ்கியிருக்கலாம் என கூறப்படுகிறது.