காணாமல் போனோர் வெளிநாடுகளில் வேறு பெயர்களில் – மஹிந்த சமரசிங்க ..

காணாமல் போனோர் பெயர் பட்­டி­யலிலுள்ள பலர் வெளி­நா­டு­களில் மாற்றுப்­பெ­யர்­களில் உள்­ளதாக கப்பற்துறை அமைச்சர் மஹிந்த சமரசிங்க தெரிவித்துள்ளார்.

கொழும்பில் நேற்று இடம்பெற்ற ஊடகவியலாளர்கள் சந்திப்பில் கலந்து கொண்டு கருத்து தெரிவிக்கும் போதே அவர்  இதனை கூறியுள்ளார்.

சர்­வதேச நாடு­களிலுள்ள இலங்­கையர்கள் தங்கள் பெயர், விப­ரங்­களை வெளி­யிட வேண்டும் என்றும் அதன் பின்­னரே இலங்­கையில் உண்­மையாக காணா­மல்­போனோர் பட்­டி­யலை தயா­ரிக்க முடியும் எனவும் அவர் குறிப்பிட்டுள்ளார்.

இறுதி யுத்­தத்தில் 40 ஆயிரம் பொது­மக்கள் கொல்­லப்­பட்­டனர் என்ற கணிப்பு தவ­றா­னது என்றும் .  இரா­ணுவம் பொது­மக்­களை இலக்­கு ­வைத்து  யுத்­தத்தை முன்­னெ­டுக்­க­வில்லை எனவும் அவர் கூறியுள்ளார்.

அதோடு  யுத்த காலத்தில் சர­ண­டைந்­த­தாக கூறப்­படும் நபர்கள் காணாமல் போன­தாக ஒட்­டு­மொத்­த­மாக கரு­து­வதும் தவ­றா­னது எனவும்,

ஏனெனில் யுத்த காலத்தில் நாட்டை விட்டு வெளி­யே­றி­ய­வர்கள் எத்­தனை பேர் என்­ப­தற்­கான முழு­மை­யாக அறிக்கை வெளி­வி­வ­கார அமைச்­சிடம் இல்லை எனவும் அவர் குறிபிட்டுள்ளார்.

மேலும் இலங்­கையில் இருந்து சென்­ற­வர்கள் பலர் தமது பெயர்­களை மாற்­றிக்­கொண்டு அந்­தந்த நாடு­களில் பதி­வா­கி­யுள்­ளதாகவும் .எனினும் உண்­மை­யான பெயர்கள் இங்கு காணா­மல்­ போனோர் பட்­டி­யலில் உள்­ளதாகவும் அவர் கூறியுள்ளார்.

இதன்காரணமாக முதலில் சர்­வ­தேச நாடு­களில் உள்ள இலங்­கை­யர்கள் பெயர் விப­ரங்­களை வெளி­யிட வேண்டும் என்றும்,  அதன் பின்­னரே இலங்­கையில் காணா­மல் ­போனோரின் உண்மையான பட்­டி­யலை தயா­ரிக்க முடியும் எனவும் அவர் இதன்போது தெரிவித்துள்ளமை குறிப்பிடத்தக்கது.