Designed by Iniyas LTD
காதலியை தாக்கிய காதலன் சிறையில் அடைப்பு!
மதுபானம் அருந்திவிட்டு காதலியைத் தாக்கி காயமேற்படுத்திய காதலனை எதிர்வரும் 19ஆம் திகதி வரை விளக்கமறியலில் வைக்குமாறு திருகோணமலை நீதிமன்ற நீதிவான் ஹயான் மீ ஹககே உத்தரவிட்டுள்ளார்.
திருகோணமலை சுகதகம பகுதியைச் சேர்ந்த கே.பி.தாரக்க கசுன் (வயது 26) என்பவரே விளக்கமறியலில் வைக்கப்பட்டுள்ளவராவார்.
சம்பவம் பற்றித் தெரியவருவதாவது,
திருகோணமலை பொலிஸ் பிரிவுக்குட்பட்ட பெண்ணொருவரை குறித்த சந்தேகநபர் நீண்டகாலமாக காதலித்து வந்துள்ளார்.
இந் நிலையில் சாராயம் குடித்து விட்டு குறித்த பெண்ணின் வீட்டுக்கு கடந்த புதன்கிழமை இரவு சென்ற அவர் குறித்த பெண்ணை தாக்கியுள்ளார்.
இவ் விடயம் குறித்து மேற்படி பெண் திருகோணமலை பொலிஸ் நிலையத்தில் செய்த முறைப்பாட்டை அடுத்து குறித்த சந்தேக நபரை பொலிஸார் கடந்த புதன்கிழமை இரவு கைது செய்து திருகோணமலை நீதிமன்றில் ஆஜர்படுத்திய போதே விளக்கமறியலில் வைக்குமாறு நீதிவான் உத்தரவிட்டுள்ளார். இச்சம்பவம் பற்றிய மேலதிக விசாரணைகளை திருகோணமலை பொலிஸார் மேற்கொண்டு வருகின்றார்கள்.