தமிழினத்திற்கான தனித்துவமான ஊடகம்

கிட்டண்ணா……

kidduகிட்டு

உன் பெயர் சொன்னபோதே

சட்டென வாயெடுத்து

மாமா என்று சொல்லும்-உன்

இறப்பின் பின்

பிறப்பெடுத்த மழலைகளும்.

நீ

மரணித்துப்போன

மனித பிறப்பல்ல,

மண்டியிடாத மனிதராய்

விடுதலை வாழ்வை

வாழ கற்றுக்கொடுத்த

வரலாற்று பிறப்பு.

வரலாறுகளை வாரி வாரி

கற்றுக்கொண்டாய்-உன்

வாழ்வை எமக்கு வரலாறாய்

வழி காட்டிவிட்டாய்.

எங்கள் விடுதலை போருக்கு

நீ

ஒற்றை பனைமரம்.

காற்றை கிழித்த சன்னங்கள் சொல்லும்-உன்

களங்களின் வீரத்தை,

தொடர்புடைய பதிவு

கழுத்தில் தொங்கிய

புகைப்பட கருவி சொல்லும்-உன்

கலைகளின் காவியத்தை,

போரியல் மரபுகளுள்

போராடிய போர்மகனே

எதிரி சொல்வான்-உன்

அன்பான அரவணைப்பை,

கிட்டண்ணா கிட்டண்ணா

என்று சொல்லி

கட்டப்பொம்மனையே மறந்து போனோம்,

மண்டியிடாத கட்டாப்பொம்மனின்

மறு பிறப்பா நீ?

தேசம் தேடி வந்த உன்னை

நாசம் செய்தது இந்தியா,

மீண்டும் ஒருதரம்

காந்திய தேசத்தின்

வேஷம் கலைந்தது-உன்

குருதி சிந்தியே,

கடலோடு-நீ

கரைந்து போனாய்-எங்கள்

இதயத்தில் வரலாறு ஆனாய்

ஆக்கம்: சி .கலைவிழி

Comments
Loading...