சமாதானத்தை வேண்டி மூவினமக்களும் கவனயீர்ப்பு போராட்டம்…

சமாதானத்திற்கு குந்தகம் ஏற்படுத்தாதீர்கள் என தெரிவித்து மூவினமக்களும்  கவனயீர்ப்பு போராட்டம் ஒன்றை இன்று வவுனியாவில் முன்னெடுத்துள்ளனர்.

வவுனியா, பழைய பேருந்து நிலையத்திற்கு முன்பாக  சிவில் அமைப்பினால் ஏற்பாடு செய்யப்பட்ட இக்கவனயீர்ப்பு போராட்டத்தில் தமிழ் சிங்கள முஸ்லிம் மக்கள் கலந்துகொண்டிருந்தனர்.

இதன்போது மீண்டும் நாட்டை பிளவுபடுத்த முயற்சிக்காதே, கடந்த யுத்த வடுவே எம்மிடம் ஆறவில்லை, மீண்டும் யுத்தம் என்ற சொல் கூட எமது நாட்டிற்கு வேண்டாம், தேசிய நல்லிணக்கத்தினை காப்பாற்றுவோம் போன்ற  வாசகங்கள் எழுதிய பதாதைகளை அவர்கள் ஏந்தியிருந்தனர்.

இந்த கவனயீர்ப்பு போராட்டத்தில்  முன்னாள் வட மாகாண சபை உறுப்பினர் தர்மபால செனவிரத்தின, வவுனியா நகர பள்ளிவாசல் தலைவர் உட்பட பலரும் கலந்துகொண்டிருந்தமை குறிப்பிடத்தக்கது.