‪படமாகிப்‬ போன அவல வாழ்வு: த. செல்வா

உன் வாழ்க்கை ஒளி பெற
இதோ மோதிரம் என்றனர்
சுயத்தை மறைத்து
பயத்தை அணைக்கையில்
படமும் எடுத்தனர்

கண்ணி வெடிகளால்
மகன் கால்களை பறித்தனர்
பின்
பள்ளி செல்கையில்
சப்பாத்து தந்தனர்
படமும் எடுத்தனர்

காம வெடிகளால்
என் கண்ணான
மனைவியைப் பறித்தனர்
பின்
மரணச் சான்றிதழுடன்
மலிவான செக்கும் தந்து
படமும் எடுத்தனர்

நிலங்களை பறித்துவிட்டு
வீட்டினைத் தந்தனர்
வீட்டினைத் தருகையில்
பாலியல் லஞ்சம் கோரினர்

கொட்டும் மழையிலும்
கொழுத்தும் வெய்யிலிலும்
கொக்கரிக்கிறோம் இன்றும்
காப்பார் யாருமில்லை
மீண்டும் கழுத்தறுக்கப் படுகிறோம்
சில அரசியல் விலங்குகளால்

-த.செல்வா