அந்த வகையில் பிரித்தானியாவில் அமைந்துள்ள உலகத் தமிழர் வரலாற்று மைய வளாகத்தில் மாவீரர் நினைவு இல்லத்தில் மாவீரர்சி நாள் வெகு சிறப்பாக ஒழுங்குபடுத்தப்பட்டது. இந்நிகழ்வில் பெரும் திரளான புலம்பெயர் உறவுகள் அலை அலையாக வந்து எம் மாவீரர்களுக்கு வணக்கம் செலுத்தியதாக தமிழீழ மாவீரர் பணிமனையினர் தெரிவித்துள்ளனர்.
இந்நிகழ்வில் பிரதான சுடரினை தமிழீழ விடுதலைப் புலிகளின் மட்டக்களப்பு சிறப்புத் தளபதி ஜெயத்தன் அவர்கள் ஏற்றினார். தொடர்ந்து மாவீரகளுக்கான சுடர்களை மாவீரர்களின் உறவுகள் மற்றும் தாயக உறவுகள் ஏற்றினார்கள். தொடர்ந்து மாவீரர் நாள் நிகழ்வில் கலந்துகொண்ட பல முக்கிய பிரமுகர்கள் உரையாற்றினார்கள் எனவும் மாவீரர் பணிமனையினர் தெரிவித்துள்ளனர்.
