இந்தியாவின் பயஸ் மற்றும் சானியா ஜோடிகள் காலிறுதிக்கு முன்னேறியுள்ளன

ஆஸ்திரேலிய ஓபன் டென்னிஸ் போட்டியில் கலப்பு இரட்டையர் பிரிவில் இந்தியாவின் பயஸ் மற்றும் சானியா ஜோடிகள் காலிறுதிக்கு முன்னேறியுள்ளன.

கலப்பு இரட்டையர் பிரிவு இரண்டாவது சுற்று ஆட்டம் ஒன்றில், லியாண்டர் பயஸ்- சுவிட்சர்லாந்தின் மார்டினா ஹிங்கிஸ் இணை, ஸ்பெயினின் பப்லோ அந்துஜார்-மெடிநா இணையை எதிர்த்து விளையாடியது. இந்தப் போட்டியில் பயஸ் இணை 6-3, 6-1 என்ற நேர்செட்களில் எளிதில் வெற்றி பெற்று, காலிறுதிக்கு முன்னேறியது. மற்றொரு ஆட்டத்தில், இந்தியாவின் சானியா மிர்சா, பிரேசிலின் புருனோ சோர்ஸ் இணை அமெரிக்காவின் அபிகெயில் மெக்சிகோவின் சான்டியாகோ இணையை எதிர்த்து விளையாடியது. சவால் மிகுந்த இந்தப்போட்டியில் சானியா இணை 7-5, 6-7, 10-8 என்ற கணக்கில் வெற்றி பெற்று காலிறுதிக்கு முன்னேறியது.