Designed by Iniyas LTD
இலங்கை-இங்கிலாந்து இரண்டாவது டெஸ்ட் இன்று!
இலங்கை – இங்கிலாந்து அணிகள் மோதும் இரண்டாவது டெஸ்ட் போட்டி இன்று ஆரம்பமாகவுள்ளது. இங்கிலாந்திற்கு சுற்றுப்பயணம் மேற்கொண்டு விளையாடி வரும் இலங்கை அணி மூன்று போட்டிகள் கொண்ட டெஸ்ட் தொடரில் மோதுகின்றது.
இதில் லீட்ஸில் நடைபெற்ற முதல் போட்டியில் இலங்கை அணி அதிர்ச்சி தோல்வியடைந்தது. இந்நிலையில் இரண்டாவது டெஸ்ட் போட்டி இன்று ஆரம்பமாகின்றது.
2014ஆம் ஆண்டு இவ்விரு அணிகளும் மோதிய டெஸ்ட் தொடரை இலங்கை வெற்றிகொண்டு அசத்தியது. அந்த போட்டிகளின்போது குமார் சங்கக்கார மற்றும் மஹேல ஜயவர்தன ஆகியோர் அணியில் இடம்பெற்றிருந்தனர். இவர்கள் இருவரும் ஓய்வுபெற்ற பின்னர் இலங்கை அணி சற்று தடுமாறிவருகிறது.
இந்நிலையில் இளம் வீரர்களுடன் களமிறங்கியுள்ள இலங்கை அணி 2014ஆம் ஆண்டு பெற்ற வெற்றியை தக்கவைத்துக்கொள்ள வேண்டிய இக்கட்டான நிலையில் இருக்கிறது.
எது எவ்வாறா யினும் வெற்றி வேட்கையோடு இன்றைய போட்டியில் களமிறங்குகிறது இலங்கை.