சவூதி செல்ல முயன்ற மூன்று பெண்கள் கைது!

சுற்றுலா செல்வது போல, சவூதி அரேபியாவுக்குப் பணிப்பெண்களாகச் செல்வதற்கு முயன்ற இலங்கைப் பெண்கள் மூவரையும் அனுப்பிவைப்பதற்கு முயன்ற ஆண்கள் மூவரைக் கைது செய்துள்ளதாக, வெளிநாட்டு வேலைவாய்ப்புப் பணியகத்தின் விசேட விசாரணைப்பிரிவு அறிவித்துள்ளது.

இந்த மூன்று பெண்களிடமும், இவ்விரண்டு கடவுச்சீட்டுகள் இருந்துள்ளன. எனினும், அந்த மூவரும் எந்த நாட்டுக்குச் செல்கின்றனர் என்பது தொடர்பில் அறிந்திருக்கவில்லை என்றும் அப்பிரிவின் பொறுப்பதிகாரி அர்ஜுன மாஹிக்கல தெரிவித்தார்.

 இந்தப் பெண்கள் மூவரையும், அரச தரப்புச் சாட்சியாளராக மாற்றுவதற்கு நடவடிக்கை எடுக்கப்பட்டுள்ளது என்றும் தெரிவித்த அவர், இந்த மோசடி வர்த்தகத்தின் பின்னணியில் முகவர்கள் இருக்கின்றார்களா, அந்தத் தரகர்களுக்கு அரேபியர்களிடமிருந்து பணம் கிடைக்கிறதா என்பது தொடர்பில் விசாரணைகள் முன்னெடுக்கப்படுகின்றன என்றும் அவர் கூறினார்.