Designed by Iniyas LTD
யாழில் சிறப்புப் பொலிஸ் நடவடிக்கைகள்…
யாழ்ப்பாணத்தில் திடீரென அதிகரித்துள்ள வன்முறைகள் மற்றும் குற்றச் செயல்களை முழுமையாகக் கட்டுப்படுத்தும் நோக்கில் சிறப்புப் பொலிஸ் நடவடிக்கைகள் ஆரம்பிக்கப்பட்டுள்ளதாக தெரிவிக்கப்பட்டுள்ளது.
இதனை வடக்கு மாகாண மூத்த பிரதிப் பொலிஸ்மா அதிபர் ரொசான் பெர்னாண்டோ தெரிவித்துள்ளார்.
அதோடு அடையாளம் காணப்பட்டுள்ள ஆவாக் குழுவை முற்றாக ஒழிக்கும் நோக்கிலும் இந்த நடனடிக்கை முன்னெடுக்கப்பட்டுள்ளதாகவும்அவர் கூறியுள்ளார்.
தொடர்புடைய பதிவு
இதன் காரணமாக பொலிஸாரின் விடுமுறைகள் எதிர்வரும் 18ஆம் திகதி வரை இடைநிறுத்தப்பட்டுள்ளதாகவும் அவர் குரிப்பிட்டுள்ளார்.
குறித்த நடவடிக்கைகளிற்காக மன்னார் மற்றும் வவுனியா மாவட்டங்களிலிருந்து மேலதிக பொலிஸார் யாழ்ப்பாணத்துக்கு வரவழைக்கப்பட்டுள்ளதாகவும் அவர் தெரிவித்துள்ளார். .
இந்தச் சிறப்பு நடவடிக்கைகள் வடக்கு மாகாண மூத்த பிரதிப் பொலிஸ் மா அதிபரின் உத்தரவுக்கு அமைய, யாழ் பிரதிப் பொலிஸ் மா அதிபர் பாலித்த பெர்ணான்டோவின் மேற்பார்வையில், பொலிஸ் சிறப்பு அதிரடிப் படையின் பாதாள உலக ஒழிப்புப் பிரிவை வழி நடத்திய தற்போதைய யாழ்ப்பாண மூத்த பொலிஸ் அத்தியட்சர் வருண ஜயசுந்தரவின் நேரடிக் கட்டுப்பட்டில் இடம்பெறவுள்ளதாக கூறப்படுகின்றமை குறிப்பிடத்தக்கது..