Designed by Iniyas LTD
வாயினுள் மின்கலம் வெடித்து குழந்தை படுகாயம்!
ஒரு வயது குழந்தையின் வாயினுள் மின்கலமொன்று (பற்றரி) வெடித்ததால் அந்த குழந்தை படுகாயமடைந்து மருத்துவமனையில் அனுமதிக்கப்பட்ட சம்பவம் சீனாவில் இடம்பெற்றுள்ளது. கடந்த சனிக்கிழமை இடம்பெற்ற இந்த விபரீத சம்பவம் தொடர்பில் சர்வதேச ஊடகங்கள் புதன்கிழமை செய்திகளை வெளியிட்டுள்ளன.
ஹெனான் மாகாணத்தில் ஸின்யாங் நகரைச் சேர்ந்த ஸுவான் ஸுவான் என்ற மேற்படி பாலகி, சம்பவ தினம் தனது பாட்டா மற்றும் பாட்டியின் பராமரிப்பில் வீட்டில் இருந்துள்ளார்.
இதன் போது மின்கலமொன்றை கண்டெடுத்த பாலகி, அதை தனது பாட்டா புகையிலைக் குழலை வாயில் வைத்து புகைவிடுவது போன்று வாயில் வைத்து பாவனை செய்துள்ளார். இதன் போது அந்த மின்கலம் வெடித்துள்ளது.
தொடர்புடைய பதிவு
இதனால் பாலகியின் வாயில் பாரிய துவாரமொன்று எற்பட்டுள்ளது. இந்நிலையில் இந்த சம்பவம் இடம்பெற்று 9 மணித்தியாலம் கழித்தே இந்த விபரீதம் தொடர்பில் பாட்டாவும் பாட்டியும் அறிந்துள்ளனர்.
அதிர்ச்சியடைந்த அவர்கள் உடனடியாக பாலகியை வுஹான் சிறுவர் மருத்துவமனைக்கு கொண்டு சென்றனர். இதனையடுத்து மின்கலம் வெடித்ததால் பாலகியின் தொண்டை வரை ஏற்பட்டிருந்த காயத்துக்கு இரு மணி நேரத்தை செலவிட்டு மருத்துவர்கள் சிகிச்சையளித்தனர்.
அந்தப் பாலகியின் உணவுக் குழாய்க்குள் மின்கலத்திலுள்ள இரசாயனப் பொருட்கள் சென்றிருக்கலாம் என அஞ்சி பரிசோதனைகளை மேற்கொண்ட மருத்துவர்கள், அதிர்ஷ்டவசமாக பாலகியின் வயிற்றுக்குள் அந்த இரசாயனங்கள் இருப்பதற்கான எதுவித அடையாளமும் காணப்படவில்லை எனத் தெரிவிக்கின்றனர்.