விம்பிள்டன் டென்னிஸ்: 3வது சுற்றுக்கு செரினா, ஷரபோவா தகுதி!

விம்பிள்டன் டென்னிஸ் போட்டியின் மகளிர் ஒற்றையர் பிரிவில் செரினா, ஷரபோவா உள்ளிட்ட முன்னணி வீராங்கனைகள் மூன்றாவது சுற்றுக்கு தகுதி பெற்றுள்ளனர்.

தொடரின் முதல் நிலை வீராங்கனையான செரினா வில்லியம்ஸ், இரண்டாவது சுற்று ஆட்டத்தில் ஹங்கேரியின் டிமா பபோஸ்-யை எதிர்கொண்டார். இந்தப் போட்டியில் 6-4, 6-1 என்ற செட்களில் செரினா எளிதில் வெற்றி பெற்றார்.

மற்றொரு போட்டியில் ரஷ்யாவின் மரியா ஷரபோவாவுடன் , நெதர்லாந்தின் ஹொகன்கேம்ப் (HOGENKAMP) பலப்பரீட்சை நடத்தினார். இப்போட்டியின்  தொடக்கம் முதலே ஆதிக்கம் செலுத்திய ஷரபோவா, 6-3, 6-1 எ‌ன்ற நேர் செட்களில் வெற்றி பெற்று, அடுத்த சுற்றுக்கு முன்னேறினார்.