குறித்த ஆர்ப்பாட்டம் மருதானை, கொம்பனிதெரு, லிப்டன் சுற்றுவட்டம் ஆகிய பகுதிகளிலிருந்து ஆரம்பிக்கப்பட்டு கொழும்பு ஹைட் பார்க்கில் ஒன்றுகூடவுள்ளது. இந்த ஆர்ப்பாட்டத்தில் அனைத்து தொழி ற்றுறை சார்ந்த தொழிற்சங்கங்களும் ஊடகவியலாளர் சங்கங்களும் கலந்து கொள்ளவுள்ளதுடன் பல்லாயிரக்கணக்கான மக்களும் கலந்துகொள்ளவுள்ளார்கள் குறித்த ஆர்ப்பாட்டத்தையடுத்து பொதுக்கூட்டம் 2மணி க்கு ஹைட்பார்க்கில் நடைபெறவுள்ளது.
இது தொடர்பாக தேசிய ஊழியர் சங்க காரியாலயத்தில் நேற்று நடைபெற்ற ஊடகவியலாளர் மாநாட்டின் போதே எதிர்க்கட்சி எதிர்ப்பு இயக்கத்தின் ஏற்பாட்டாளரான கருணாசேன கொடித்துவக்கு கருத்து தெரிவிக்கையில்,
தற்போது நாட்டில் என்றுமில்லாத வகையில் அநாச்சாரம் அதிகரித்துள்ளது. கசினோ சூதாட்டத்தை இலங்கையில் கொண்டு வந்து நாட்டின் கலாசாரத்தை இவ்வரசாங்கம் சீரழித்துள்ளமை மறைக்கக்கூடிய விடயமல்ல. எனவே இவ் அரசின் மோசடிமிக்க செயற்பாட்டை ஏற்றுக்கொள்ள முடியாது. அத்துடன் தற்போது மக்களுடைய பணம் வீண் விரயம் செய்யப்படுகின்றது. மக்களுக்கு எவ்விதப் பிரயோசனமும் அற்ற வகையில் அபிவிருத்திப்பணிகள் மேற்கொள்ளப்பட்டு வருகின்றன. மத்தல விமான நிலையம், அம்பாந்தோட்டை மகிந்த ராஜபக்ச துறைமுகங்களினால் மக்கள் எவ்வித நன்மைகளையும் பெற்றுக்கொள்ளவில்லை.
இது மாத்திரமின்றி மக்களுடைய பணம் கார் ரேஸிற்கு செலவிடப்படுகிறது. இதற்கு அப்பால் அரசாங்கத்தினதும் ஜனாதிபதி மகிந்த ராஜபக்சவினதும் செயற்பாடுகள் சர்வாதிகார ஆட்சிகளின் பண்புகளைக் கொண்டவையாக காணப்படகின்றன என அவர் சுட்டிக்காட்டியுள்ளார்.
குறித்த ஆர்ப்பாட்டத்திற்கு ஐக்கிய தேசிய கட்சி, மக்கள் விடுதலை முன்னணி, ஜனநாயக கட்சி, தமிழ்த்தேசியக்கூட்டமைப்பு, நவசமசமாஜக்கட்சி, ஜனநாயக மக்கள் முன்னணி, தேசிய ஐக்கிய முன்னணி உள்ளிட்ட ஏனைய முக்கிய சில அரசியல் கட்சிகளும் அனைத்து தொழிற்றுறை சார்ந்த தொழிற்சங்கங்களும் ஊடகவியலாளரின் சங்கங்கள் உட்பட பெரும்பாலான மக்கள் கலந்துகொள்ளதாக அவர் குறிப்பிட்டுள்ளார்.