ஆப்கானிஸ்தான் தலைநகர் காபுலில் கடந்த மாதம் தலிபான் தீவிரவாதிகளால் கடத்தப்பட்ட இந்தியப் பெண் மீட்கப்பட்டதாக மத்திய மந்திரி சுஷ்மா சுவராஜ் தெரிவித்துள்ளார்.
கொல்கத்தாவைச் சேர்ந்த தன்னார்வ தொண்டரான ஜூடித் டிசோசா கடந்த ஜூன் மாதம் 9-ம் தேதி ஆப்கானிஸ்தான் தலைநகர் காபுலில் தலிபான் தீவிரவாதிகளால் கடத்தப்பட்டார்.
மத்திய வெளியுறவுத்துறை மந்திரி சுஷ்மா சுவராஜின் உத்தரவின்பேரில் அவரை மீட்பதற்கான பணிகளில் காபுலில் உள்ள இந்திய தூதரக அதிகாரிகள் ஈடுபட்டு வந்தனர். இந்நிலையில், ஆப்கானிஸ்தான் தீவிரவாதிகளால் கடத்தப்பட்ட ஜூடித் டிசோசா மீட்கப்பட்டதாக இன்று தனது டுவிட்டர் மூலம் சுஷ்மா சுவராஜ் தெரிவித்துள்ளார்.
விரைவில் அவரை இந்தியாவுக்கு அழைத்து வருவதற்கான ஏற்பாடுகள் நடைபெற்று வருவதாக வெளியுறவுத்துறை அமைச்சக அதிகாரிகள் குறிப்பிட்டுள்ளனர்.