ஐரோப்பிய யூனியன் நாடுகள் கூட்டமைப்பில் இருந்து இங்கிலாந்து முழுமையாக வெளியேற முடிவு செய்துள்ளது.
ஐரோப்பிய யூனியனில் இங்கிலாந்து நீடிக்க வேண்டுமா – வேண்டாமா என்பதை தீர்மானிப்பதற்காக அந்நாட்டு மக்களிடம் இன்று பொது வாக்கெடுப்பு நடைபெறவுள்ளது.
இதுதொடர்பாக, இங்கிலாந்தில் ஆளும் பழமைவாத (கன்சர்வேட்டிவ்) கட்சியினரும், எதிர்க்கட்சியான தொழிலாளர் கட்சியை சேர்ந்தவர்களும் பிரசாரத்தில் ஈடுபட்டுள்ளனர்.
ஐரோப்பிய யூனியனில் இங்கிலாந்து நீடிக்க வேண்டும் என்பது தொழிலாளர் கட்சியினரின் நிலைப்பாடாக உள்ளது.
சில அசம்பாவித சம்பவங்களை தொடர்ந்து, ஐரோப்பிய யூனியனில் இங்கிலாந்து நீடிப்பது தொடர்பான வாக்கெடுப்பு பிரச்சாரம் நிறுத்திவைக்கப்பட்டது.
இந்நிலையில், ஐரோப்பிய யூனியனின் உறுப்பு நாடாக நீடிக்கலாமா, வேண்டாமா என்பதற்கான முக்கியத்துவம் வாய்ந்த பொது வாக்கெடுப்பு பிரிட்டனில் இன்று(வியாழக்கிழமை) நடைபெறுகிறது.
“பிரெக்ஸிஸ்ட்’ என அழைக்கப்படும் இந்த பொதுவாக்கெடுப்பில் பங்கேற்பதற்காக, இதுவரை இல்லாத அளவு 4.65 கோடி வாக்காளர்கள் தங்கள் பெயர்களைப் பதிவு செய்துள்ளனர்.
இதுகுறித்து பிரிட்டன் தேர்தல் ஆணையம் வெளியிட்டுள்ள அறிக்கையில்,
ஐரோப்பிய யூனியனுடன் தொடர்ந்து இணந்திருப்பது குறித்து முடிவெடுப்பதற்கான பொது வாக்கெடுப்பில் பங்கேற்பதற்காக 46,499,537 பேர் தங்களது பெயர்களைப் பதிவு செய்துள்ளனர்.
இது பிரிட்டன் வரலாற்றில் ஒரு சாதனை எண்ணிக்கையாகும் என்று தெரிவிக்கப்பட்டுள்ளது.