லண்டனில் டிராம் தடம்புரண்டு விபத்து! 7 பேர் பலி 50 பேர் காயம்

லண்டன் நகரில் டிராம் ஒன்று தன்னுடைய வழிதட பாதையில் இருந்து தடம் புரண்டு தலைகிழாக கவிழ்ந்து விபத்து ஏற்பட்டது. டிராம் நசுங்கி விபத்துக்குள்ளானதில் 7 பயணிகள் உயிரிழந்ததோடு, மேலும் 50 பேர் வரையில் காயமடைந்துள்ளனர். காயமடைந்த பயணிகள் மருத்துமனையில் அனுமதிக்கப்பட்டுள்ளனர்.
குறைடன் நோக்கிச் சென்ற டிராமே தெற்கு லண்டனில் உள்ள முக்கிய ஜங்சன் பகுதியில் இந்த விபத்துக்கு உள்ளாகியுள்ளது. இந்த விபத்து தொடர்பாக வாகனத்தின் டிரைவர் கைது செய்யப்பட்டுள்ளார்.
காயம் அடைந்தவர்கள் அருகில் உள்ள மருத்துவமனைக்கு கொண்டு செல்லப்பட்டதாகப் பிரிட்டீஸ் போக்குவரத்து போலீஸ் அதிகாரிகள் தெரிவித்துள்ளனர்.
இந்த விபத்து தொடர்பாக மேலதிக விசாரணை நடத்தப்பட்டு வருவதாகவும் தெரிவிக்கப்பட்டுள்ளது.