ஐரோப்பிய ஒன்றியத்திலிருந்து வெளியேறினால் இங்கிலாந்து பல்வேறு பொருளாதார சிக்கல்களை சந்திக்கும் என பொருளாதர நிபுணர்கள் கருத்து தெரிவித்திருந்தனர்.
இதனையும் மீறி கடந்த ஜூன் மாதம் ”Brexit” என்ற பெயரில் ஓட்டெடுப்பு நடத்திய இங்கிலாந்து,ஐரோப்பிய ஒன்றியத்தை விட்டு வெளியேறுவதாக அதிகாரப்பூர்வமாக அறிவித்தது.
ஐரோப்பிய ஒன்றியத்திலிருந்து வெளியேறுவதால் ஏற்படக்கூடிய பொருளாதார தாக்கங்களை சரி செய்ய அந்நாட்டு பல்வேறு நடவடிக்கைகளை எடுத்து வருகிறது.
இந்நிலையில் ஐரோப்பிய ஒன்றியத்திலிருந்து இங்கிலாந்து வெளியேறுவதற்கான நடைமுறைகள் அடுத்தாண்டு மார்ச்சில் துவங்கும் என அந்நாட்டின் பிரதமர் தெரசா மே சில நாட்களுக்கு முன்னர் தெரிவித்திருந்தார்.மேலும் ஐரோப்பிய சந்தையிலிருந்தும் இங்கிலாந்து விலகும் எனவும் கூறியிருந்தார்.
இந்நிலையில் நேற்று தீடீரென அமெரிக்க டாலருக்கு எதிரான இங்கிலாந்து பவுண்டின் மதிப்பு பெரும் சரிவை கண்டது.பவுண்டின் மதிப்பானது 0.5 சதவீதத்தை அடைந்தது.இது போன்ற நிகழ்வு கடந்த 31 ஆண்டுகளுக்கு பிறகு இப்போதுதான் முதல்முறையாக நடக்கிறது.
இந்த சரிவு குறித்து கருத்து தெரிவித்துள்ள இங்கிலாந்து பிரதமர் தெரசா மே,இங்கிலாந்தின் பொருளாதாரம் தொடர்ந்து வலுவாக இருந்து வருவதாக தெரிவித்துள்ளார்.