மூன்றாவது முறையாக உலக செஸ் சாம்பியன் ஆனார் கார்ல்சன்!

உலக செஸ் போட்டியில் நடப்பு சாம்பியனான நார்வேயின் மேக்னஸ் கார்ல்சன் வெற்றி பெற்று மூன்றாவது முறையாக உலக சாம்பியன் ஆகியுள்ளார்.

அமெரிக்காவின் நியூயார்க் நகரில் நடைபெற்ற உலக செஸ் போட்டியில், நிர்ணயிக்கப்பட்ட 12 சுற்றுகளின் முடிவில் கார்ல்சன் – கர்ஜாகின் ஆகிய இருவரும் தலா 6 புள்ளிகள் பெற்று சமநிலையில் இருந்ததால் டை பிரேக்கர் முறையில் வெற்றியாளரைத் தேர்ந்தெடுக்கும் முறை இன்று நடைபெற்றது.

இதில் முதல் இரண்டு சுற்றுகள் டிராவில் முடிவடைந்த நிலையில் அடுத்த இரு சுற்றுகளை கார்சல் வென்றார். 2-0 என்கிற புள்ளிக்கணக்கில் அவர் மூன்றாவது முறையாக உலக சாம்பியன் ஆகியுள்ளார். இதன் மூலம் செஸ் உலகில் தான் ஒரு தன்னிகரற்ற வீரர் என்பதை மீண்டும் நிரூபித்துள்ளார்.