Designed by Iniyas LTD
காணாமல் ஆக்கப்பட்டவர்களின் உறவுகளுக்கு ஓய்வூதியம் வழங்கப்படவேண்டும் – ஐக்கிய தேசிய சுதந்திர முன்னணியின் தலைவர்
காணாமற் போனவர்களின் உறவுகளுக்குத் தீர்வு கிடைக்கும்வரை மாதாந்தம் அவர்களுக்கு ஓய்வூதியம் (பென் சன்) வழங்குங்கள் என்று ஐக்கிய தேசிய சுதந்திர முன்னணியின் தலைவர் மைத்திரி குணரட்ண தெரிவித்துள்ள்ளார்.
யாழ்ப்பாணம் வீரசிங்கம் மண்டபத்தில் நேற்று இடம்பெற்ற செய்தியாளர் சந்திப்பில் அவர் இதனை கூறியுள்ளார்.
உள்நாட்டுப் போர் முடிவடைந்து 10 ஆண்டுகள் ஆகப்போகின்றன. முகாம்களில் 13 ஆயிரம் பேர் மட்டுமே இருந்தனர் என்று கூறப்படுகின்றது. அப்படியானால் இங்குள்ள அரசியல்வாதிகள் என்ன செய்தனர்? பெயருக்கு மட்டும் உள்ளனரா? எனவும் அவர் கேள்வி எழுப்பியுள்ளார்.
தொடர்புடைய பதிவு
காணாமற்போனவர்களின் உறவினர்கள் வீதிகளில் பிச்சைக்காரர்கள் போல புகைப்படங்களை ஏந்திப் போராடி வருகின்றனர். ஆனால் அவர்களுக்கு உரிய தீர்வை இங்குள்ள அரசியல்வாதிகளோ அல்லது அரசோ வழங்கவில்லை என்றும் அவர் சுட்டிக்காட்டியுள்ளார்.
அவர்களின் வறுமையை முதலில் போக்கிவிட்டு பின்னர் காணாமல் ஆக்கப்பட்டவர்களுக்கு என்ன நடந்தது என்று ஆராயுங்கள் எவவும் அவர் கூறியுள்ளார். அதோடு காணாமல் போனவர்கள் மீள வந்தால் அவர்களின் ஓய்வூதியத்தை நிறுத்துமாறும்,. அதுவரை அவர்களுக்கு அதனை வழங்கவேண்டும் என்றும் அவர் குறிப்பிட்டுள்ளார்.
நல்லாட்சி அரசாங்கம் ஆட்சிக்கு வந்து மூன்று ஆண்டுகளின் பின்னர் காணாமல் ஆக்கப்பட்டோருக்கான பணியகத்தை அமைத்துள்ளது. இது காலத்தை இழுத்தடிக்கவே உருவாக்கப்பட்டுள்ளதாகவும் அவர் கூறியுள்ளார்.
மேலும் இது காலத்தை வீணடிக்கும் செயலாகவே தான் கருதுவதாகவும், காணாமல் போடோர் பணியகத்தில் தமக்கு துளியளவேனும் நம்பிக்கை இல்லை அவர் இதன் போது தெரிவித்துள்ளமை குறிப்பிடத்தக்கது.